چناب نگر (غدیر احمد بھٹی سے)قمر منیر اکبر نے 8 سال کی عمر میں او لیول کرکے اپنی بہن ستارہ بروج اکبر کا ورلڈ ریکارڈ اپنے نام کرلیا.یوں تو پاکستانی قوم کا شمار دنیا کی ذہین ترین قوموں میں ہوتا ہے۔انسٹیوٹ آف یورپین ایڈمنسٹریشن نے دنیا کے ایک سو پچیس ممالک کا سروے کیا۔ اس سروے کے مطابق پاکستانی قوم دنيا کی زہین ترین قوموں میں چوتھے نمبر پر ہے۔ دنيا میں تعليم کے میدان میں پاکستانی بچوں نے اپنا لوہا منوایا ہے ۔ اولیول اور اے لیول کے unbeatable recordsپاکستانی بچوں کے پاس ہیں ۔ انہیں بچوں کی فہرست میں قمر منیر اکبر کا اضافہ ہوا ہے ۔ قمر منیر اکبر نے آٹھ سال کی عمر میں IGCSE کیمسٹری کا امتحان پاس کرکے وطن عزیز کا نام روشن کیا ہے۔ قمر منیر اکبر ستارہ بروج اکبرکا بھائی ہے جو ایجوکیشن میں کئی ورلڈ ریکارڈ بنا چکی ہے حال ہی میں ستارہ نے دنیا کی کم عمر ترین سرٹیفایڈ انٹی منی لانڈرنگ سپیشلیسٹ ہونے کا اعزاز حاصل کرکے عالمی میڈیا کی توجہ حاصل کی تھی۔ قمر منیر اکبر نےبھی اپنی بہن کو رول ماڈل بنایا اور برٹش کونسل دبئی کے تحت امتحان دے کر ملک کے لیے اعزاز حاصل کیا۔قمر منیر اکبر اس بات کے لئے پرامید ہے کہ نئے پاکستان میں سب کے لئے تعلیم کے یکساں معیار قائم ہونگے۔