چناب نگر (غدیر احمد بھٹی کی رپورٹ) اے ایس پی چناب نگر ڈاکٹر بشریٰ جمیل کی سربراہی میں ایس ایچ او کانڈیوال انسپکٹر محمد تاثیر نے ہمراہی ٹیم کاروائی کرتے ہوئے ڈکیت گینگ کے چار ملزمان ظفر ، ناصر ، اشرف اور عباس کو گرفتار کر کے ملزمان کے قبضہ سے تین عدد موٹر سائیکل ، ناجائز اسلحہ و مال مسروقہ برآمد کر لیا۔ ملزمان نے اعظم علی کے گھر داخل ہو کر اسلحہ کے زور پر طلائی زیورات اور نقدی چھین کر فرار ہو گئے تھے ۔ملزمان کیخلا ف تھانہ کانڈیوال میں ڈکیتی کا مقدمہ درج ہے۔ علاوہ ازیں تھانہ کانڈیوال پولیس نے قتل کے مقدمہ میں مطلوب ملزم حبیب سلطان کو گرفتار کیا ہے۔ ملزم حبیب نے گھریلو جھگڑے پر اپنی بہن سمعیہ کو قتل کیا تھا۔ ملزم سے آلہ قتل پسٹل برآمد کر لیا گیا ہے۔ ڈی پی او عبادت نثار کی طرف سے پولیس ٹیم کے لیے انعام کا اعلان کیا گیا ہے۔