چنیوٹ (ربوہ ٹائمز) چہلم شہدائے کربلا کے موقع پر پولیس کی جانب سے فول پروف سیکیورٹی انتظامات مکمل کرلیے گئے ہیں۔
اس حوالے سے گفتگو کرتے ہوئے ڈی پی او عبادت نثار کا کہنا تھا کہ:
ضلع بھر میں چہلم شہدائے کربلا کے موقع پر 16جلوسوں کا انعقاد ہو گاجن میں سے 1جلوس کیٹگری اے،5جلوس کیٹگری بی،اور 10جلوس کیٹگری سی کے ہونگے۔ مختلف علاقوں میں 16مجالس کا انعقاد ہوگاجن میں سے 3 کیٹگری بی اور 13کیٹگری سی کی ہوں گی۔ تمام مجالس اور جلوسوں پر ایک ہزار سے زائد پولیس افسران و ملازمان،رضاکار اور وولینٹیئرز ڈیوٹی سرانجام دیں گے۔ ۔ تمام پروگرامز کی ویڈیو ریکارڈنگ کی جائے گی۔ حساس جلوسوں کی ڈرون کیمرے سے مانیٹرنگ کی جائے گی۔جلوسوں/مجالس میں شامل ہونے والوں کی تھری لیئرمیں چیکنگ کی جائے گی۔جلوسوں کے روٹس سے ملحقہ گلیوں کو خاردار تار لگا کر بند کیا جائے گا۔ٹریفک پولیس متبادل راستوں کے ذریعے ٹریفک رواں دواں رکھنے کی ذمہ دار ہوگی۔اہم پوائنٹس پر چھتوں پر مسلح اہلکار تعینات کیے گئے ہیں۔۔خواتین کی چیکنگ کیلئے لیڈی پولیس اہلکار تعینات کی گئی ہیں۔کسی بھی ہنگامی صورتحال سے نمٹنے کیلئے ریزونفری پولیس لائن میں الرٹ رہے گی۔ حساس مقامات پر واک تھرو گیٹ اور CCTV کیمرے نصب کیے گئے ہیں۔جلوس شروع ہونے سے قبل سپیشل برانچ ،سول ڈیفینس اور بم ڈسپوزل سکواڈ کی مدد سے سویپنگ کاعمل ہو گا۔ ضلع کے داخلی اور خارجی راستوں پر ہائی الرٹ ناکہ بندی ہو گی ۔اسلحہ کی نمائش پر پابندی پر عملدرآمد کو یقینی بنایا جائے گا۔جلوسوں اور مجالس کی نگرانی کیلئے ڈی پی او دفتر میں کنٹرول روم قائم کردیا گیا ہے ۔ تمام ذرائع بروئے کا ر لاتے ہوئے فرقہ وارآنہ ہم آہنگی اور امن و عامہ کی صورتحال کو بحال رکھا جائیگا.