چنیوٹ (ربوہ ٹائمز) پنجاب ایمرجنسی سروس ریسکیو 1122 کی زیر اہتمام دوسرا شہدائے چنیوٹ کرکٹ ٹورنامنٹ کا آغاز یکم اپریل کو کردیا گیا.
تفصیلات کے مطابق:
اس میچ میں ڈسٹرکٹ پولیس الیون، ڈسٹرکٹ ہیلتھ اتھارٹی الیون، ڈسٹرکٹ ایجوکیشن اتھارٹی الیون، ڈسٹرکٹ پریس کلب الیون، ریسکیو 1122 الیون ، ڈپٹی کمشنر الیون اور ڈسٹرکٹ بار ایسوسی ایشن الیون حصہ لے رہی ہیں ریسکیو 1122 نے اپنی روایت کو برقرار رکھتے ہوئے سپورٹس کو فروغ دینے کے لئے ایک بار پھر اداروں کے درمیان کھیل کے زریعے تعاون کو فروغ دینے کے لئے اچھا اقدام کرکے شہریوں کے دل جیت لئے ٹورنامنٹ کا آغاز خوبصورت تقریب سے کیا گیا جس کے بعد ٹورنامنٹ کا آغاز ڈسٹرکٹ ایمرجنسی آفیسر میڈم طاہرہ خان، میاں محمد اسماعیل چیف ایگزیکٹو آفیسر ایجوکیشن اور شاہد محمود چوہدری صدر ڈسٹرکٹ پریس کلب نے ایک بال کھیل کر کیا. ٹورنامنٹ یکم اپریل سے پانچ اپریل تک جاری رہے گا۔