ڈی سی چنیوٹ اور ڈی پی او چنیوٹ نے کچھ عرصہ سے سے بند چنیوٹ بائی پاس ریلوے پھاٹک کھلوا دیا

چناب نگر ( غدیر احمد بھٹی سے ) ڈی سی چنیوٹ سید امان انور قدوائی اور ڈی پی او چنیوٹ سید حسنین حیدرنے ریلوے ملازمین کے ہمراہ کچھ عرصہ سے بند لاہور روڈ بائی پاس ریلوے پھاٹک کا تالا کھلوا دیا۔اس موقع پر میڈیا نمائندگان اور سول سوسائٹی کے لوگ بھی موجود تھے۔ریلوے ملازمین نے واجبات کی عدم ادائیگی کی بنا ء پر کچھ دنوں سے پھاٹک کو تالے لگا کر بند کردیا تھا جس کی وجہ سے ٹریفک اور عوام الناس کو شدید مشکلات کا سامنا کرنا پڑ رہا تھا۔ڈی سی چنیوٹ سید امان انور قدوائی اور ڈی پی او چنیوٹ سید حسنین حیدر نے میڈیا نمائندگان سے گفتگو کرتے ہوئے کہا کہ پھاٹک بند ہونیکی وجہ سے ٹریفک اور عوام الناس کو شدید مشکلات کا سامنا کرنا پڑ رہا تھا۔ ریلوے ملازمین اور محکمہ ہائی وے اور دیگر متعلقہ محکموں سے میٹنگ کرکے اس مسئلہ کو حل کرلیاگیا ہے اور ریلوے ملازمین کے تحفظات کو دور کردیا گیاہے۔موقع پر موجود لوگوں نے ڈی سی چنیوٹ اور ڈی پی او چنیوٹ کا شکریہ ادا کیا۔