چنیوٹ (ربوہ ٹائمز نیوزڈیسک) گلوبل بریسٹ فیڈنگ ویک یکم اگست تا 7اگست تک منایا جائے گا ، اس سلسلہ میں انتظامات کے جائزہ بارے ڈسٹرکٹ پلاننگ میٹنگ ڈپٹی کمشنر سید امان انور قدوائی کی زیر صدارت ڈپٹی کمشنر آفس میں منعقد ہوئی ، میٹنگ میں سی او ہیلتھ ڈاکٹر مشتاق بشیر عاکف ، ڈسٹرکٹ ہیلتھ آفیسر مہار اختر بلوچ ، ایم ایس ڈی ایچ کیو ہسپتال ڈاکٹر انجم اقبال ،ڈسٹرکٹ کوارڈینٹر IRMNCH ڈاکٹرمحمد ارشد،ڈی او ایچ آر ڈاکٹر قمر سلطانہ بھٹی ،نیوٹریشن سپروائزر عفت ممتاز، ڈپٹی ڈسٹرکٹ ہیلتھ آفیسرز ڈاکٹر شفقت رحمان، ڈاکٹر سعادت انوار ،ڈاکٹر امیر علی و دیگر نے شرکت کی ، سی او ہیلتھ ڈاکٹر مشتاق بشیر عاکف، ڈسٹرکٹ کوارڈینٹر IRMNCH ڈاکٹرمحمد ارشدنے بریفنگ دیتے ہوئے بتایا کہ اس ہفتہ تمام ضلعی ہسپتالوں میں بریسٹ فیڈنگ ویک کے حوالے سے سٹالز لگائے جائیں گے ، عورتوں کو ایل ایچ ایسز اور ایل ایچ ڈبلیوز کے زریعے گھر گھر جا کر بریسٹ فیڈنگ کے فوائد بتائے جائیں گے ، دوسال سے کم عمر بچوں کی ماءوں کے ساتھ ہیلتھ سیشن کیے جائیں گے تاکہ بریسٹ فیڈنگ کی زیادہ سے زیادہ ترغیب دی جائے تاکہ ماں اور بچے کی صحت اچھی رہے، انہوں نے مزید بتایا کہ کہ ماں کا دودھ ہی 5سال سے کم عمر بچوں میں ہر سال ہونے والی تقریباً 823000اموات کو روکنے میں معاون ثابت ہو سکتا ہے اور اسکی بدولت تقریباً 20ہزار ماءوں کو بریسٹ کینسر کی وجہ سے لقمہ اجل بننے سے بھی بچایا جا سکتا ہے ، ایک اندازے کے مطابق تقریباً76لاکھ بچے ہر سال ماں کا دودھ پینے سے محروم رہتے ہیں جبکہ ماں کا دودھ دیگر فارمولا ملک کے اضافی خرچ کی نسبت مفت میسر آتا ہے ، آخر میں ڈپٹی کمشنر سید امان انور قدوائی نے ہدایت کی کہ پوری توجہ کے ساتھ گلوبل بریسٹ فیڈنگ ویک منایا جائے اورلوکل سطح پر آگاہی سیمینارز منعقد کروائے جائیں اس میں کسی قسم کی کوتاہی نہیں ہونی چاہیے، انہوں نے مزید کہا کہ حکومت پنجاب شہریوں کو صحت کی بنیادی سہولیات کی فراہمی کیلئے اپنے تمام وسائل بروئے کار لا رہی ہے