چناب نگر (ربوہ ٹائمز) نصرت جہاں بوائز کالج ربوہ میں سالانہ فن فیئر پروگرام منعقد کیا گیا۔
فن فیئر نظارت تعلیم کے تحت سکول و کالجز میں ہرسال منعقد کیا جاتا ہے۔ فن فیئر تقریب میں طلباء نے اپنے ہاتھوں سے محنت کرکے مختلف چیزوں کے ماڈلز تیار کیئے،اس کے علاوہ بچوں کیلئے جھولے ،فوڈ سٹریٹ ،گھوڑے کی سواری ،گیم زون ،اونٹ کی سواری ،کشتی رانی کے علاوہ اوربھی بہت سی تفریحی چیزوں اور سٹالز کا انعقاد کیا گیا۔ بچوں، اور خواتین نے اس تقریب سے بھرپور فائدہ حاصل کیا۔ اس پروگرام کو کامیاب بنانے کیلئے طلباء اور سکول انتظامیہ نے بھرپور محنت کی۔اس پروگرام میں بچوں کی بڑی تعداد سمیت مرد و خواتین نے بھرپور شرکت کی اور سب ہی اس رنگا رنگ تقریب سے بے حد لطف اندوز ہوئے.اس پروگرام کا مقصد بچوں کو تفریحی ماحول مہیا کرنا ہے۔تاکہ بچوں کو تعلیمی تربیت کیساتھ ساتھ تفریحی ماحول بھی مہیا ہو سکے۔یہ تقریب تین دن مختلف اوقات کار میں جاری رہی۔اس تقریب میں شرکت کرنے والوں نے کہا کہ ہمیں یہاں آکریہ سب دیکھ کر بہت خوشی محسوس ہوتی ہے امید کرتے ہیں کہ ایسے پروگراموں کا سلسلہ مستقبل میں بھی جاری رہے گا۔ ہمیں اور ہمارے بچوں کو اس کا بہت فائدہ ہے ۔اور ایسی تقریبات کا ہونا بہت ضروری ہے۔