چنیوٹ (ربوہ ٹائمز) ڈپٹی کمشنر محمد ریاض اور ڈی پی او سید حسنین حیدر نے عیدالفطر کے اجتماعات کا وزٹ کیا اور پولیس لائن میں عید کی نماز ادا کی .ضلع بھر میں عیدالفطر کے حوالے سے 154 اجتماعات ہوئے ۔ تمام اجتماعات پر سخت سیکیورٹی انتظامات کیے گئے ۔ ایک ہزار سے زائد پولیس افسران و ملازمان نے ڈیوٹی سرانجام دی ۔ ڈپٹی کمشنر محمد ریاض اور ڈی پی او سید حسنین حیدر نے عیدالفطر کے اجتماعات کا وزٹ کیا. دوران وزٹ سیکیورٹی سمیت تمام انتظامات کا جائزہ لیا گیا. بعدازاں ڈپٹی کمشنر اور ڈی پی او نے پولیس لائن میں پولیس کے افسران اور جوانوں کے ساتھ نماز عیدالفطر ادا کی اور پولیس ملازمان کو عید کی مبارک باد دی ۔ پولیس لائن میں پولیس ملازمان کے ساتھ ملکر کھانا کھایا ۔ اس موقع پر ملکی سلامتی و استحکام کےلیے خصوصی دعا کی گئی ۔ڈی سی اورڈی پی او نے عیدالفطر کی خوشی کے موقع پر عوام کو مبارکباد دیتے ہوئے اخوت اور بھائی چارے کا پیغام دیا.