کوئی بھی پیدائشی نکما نہیں ہوتا ،کامیابی حاصل کرنے کے لیے اضافی محنت کی ضرورت ہے، ڈی سی چنیوٹ

چنیوٹ (غدیر احمد بھٹی سے)کوئی بھی پیدائشی نکما نہیں ہوتا ،کامیابی حاصل کرنے کے لیے اضافی محنت کی ضرورت ہے اور کامیابی کا دوسرا نام رویہ ہے ،ان خیالات کا اظہار ڈپٹی کمشنر محمد خضر افضال چوہدری نے ایجوکیشن افسران سے میٹنگ کرتے ہوئے کیا ، میٹنگ میں ضلع بھر کے ایجوکیشن آفیسرز،ڈسٹرکٹ مانیٹرنگ آفیسر آصف اقبال ، سی او ایجوکیشن محمد اسماعیل ، پرنسپل QEADمہر اشرف ہرل ، ڈسٹرکٹ ایجوکیشن آفیسرز، ڈپٹی ڈی او ز، اے ای اوز و دیگر نے شرکت کی ، ڈسٹرکٹ مانیٹرنگ آفیسر آصف اقبال اور سی او ایجوکیشن محمد اسماعیل نے ڈپٹی کمشنر محمد خضر افضال چوہدری کو ایجوکیشن کی سابقہ کارکردگی رپورٹ پر بریفنگ دی ، ڈپٹی کمشنر محمدخضر افضال چوہدری نے ایجوکیشن افسران سے خطاب کرتے ہوئے کہا کہ آپ پر بھاری ذمہ داری ہے آپ نے محکمے کو چلانا ہے ،محنت کریں،جتنا آپ اس وقت کر رہے ہیں اس سے کچھ زیادہ کرنا پڑے گا تب ہی بہتری ممکن ہے تب ہی آپ رینکنگ میں اوپر جا سکتے ہیں ، اپنی روٹین چینج کریں ،طلباء و طالبات کی پڑھائی کو بہتر اور رزلٹ امپرو کرنے کے لیے ایک سٹیپ آگے جائیں ان پر ایکسٹرا محنت کریں تو یقیناً بہتری آئی گی ، آخر میں انہوں نے کہا میرے سمیت ایجوکیشن کے تمام افسران ایک ایک سکول اپنے ذمہ لیں گے ان پر محنت کریں گے وہاں خود جا کر بچوں کو کچھ ٹائم پڑھائیں گے انشاء اللہ یہ بہتری کیجانب پہلا قدم ہو گا، انہوں نے تمام افسران کو ہدایت کی کہ سکول کھلنے والے ہیں تمام اساتذہ کرام کو یہ پیغام دیں کہ اپنے رویے مثبت اور حاضری کویقینی بنائیں سٹوڈنٹس پر خوب محنت کریں ، پھر وہ دن دور نہیں جب آپکا ضلع پورے پنجاب میں پہلی پوزیشن پر آئے گا اور آپ سب کا سر فخر سے بلند ہو گا ۔