چنیوٹ میں جماعت اسلامی اور فرنیچر ایسوسی ایشن کے عہدیداران کی مشترکہ پریس کانفرنس

چنیوٹ ( بیورو رپورٹ) حکومت سے چنیوٹ فیصل آباد روڈ اور پنڈی بھٹیاں روڈ کو فوری طور پر ون وے کروانے کا مطالبہ کر دیا تاہم مطالبات پورے نا ہونے پر 22 ستمبر کو دھرنا دینے کی دھمکی دے دی تفصیلات کے مطابق جماعت اسلامی اور فرنیچر ایسوسی ایشن (رجسٹرڈ) کے عہدیداران کی مشترکہ پریس کانفرنس کا انعقاد کیا گیا جس میں امیر جماعت اسلامی چوہدری محمّد اسلام، صدر فرنیچر ایسوسی ایشن (رجسٹرڈ) دانش نعیم فخری، چیئرمین شیخ انیس وہرہ، سرپرست شیخ شہزادہ عالَم، حاجی محمّد رفیق، شیخ بلال، میاں دلدار سمیت دیگر عہدیداران نے شرکت کی اس موقع امیر جماعت اسلامی چوہدری محمّد اسلام کا کہنا تھا کہ چنیوٹ فرنیچر کی صنعت کے حوالہ سے پوری دنیا میں جانا جاتا ہے یہاں کی عوام سے سالانہ اربوں روپے ٹیکس کی مد میں لئے جاتے ہیں مگر ترقیاتی منصوبوں سے محروم اس شہر کو بے یار و مددگار چھوڑ دیا گیا ہے، ان کا مزید کہنا تھا کہ اب تک خونی روڈز پر سینکڑوں افراد اپنی جانیں گنوا بیٹھے ہیں اس لاوارث شہر میں نا تو کوئی صفائی کے انتظامات ہیں نا ہی کوئی ترقیاتی پروگرام شروع کروایا گیا ہے یہاں کے صاف پانی سے دوسرے شہر مستفید ہو رہے ہیں یہاں کی بجری یہاں کی ریت تک پورے پنجاب میں سپلائی ہوتی ہے مگر افسوس کی بات کہ سونا اگلتے اس شہر کا کوئی والی وارث نہیں تاہم انہوں نے حکومت سے مطالبہ کیا ہے کہ ہنگامی بنیادوں پر چنیوٹ کی مین شاہراہوں باالخصوص چنیوٹ فیصل آباد روڈ اور چنیوٹ پنڈی بھٹیاں روڈ کو ون وے کیا جائے ورنہ ہم 22 ستمبر کو ڈپٹی کمشنر آفس سے ختم نبوت چوک تک پر امن دھرنا دیں گے تاہم اس موقع پر صدر فرنیچر ایسوسی ایشن (رجسٹرڈ) دانش نعیم فخری کا کہنا تھا کہ ہماری پوری تاجر برادری جماعت اسلامی کے شانہ بشانہ کھڑی ہے اور چنیوٹ کے اس دیرینہ مسائل کے حل کیلئے ہر ممکن کوشش کریں گے۔