چنیوٹ (ویب ڈیسک)ٹک ٹاک کے شوقین نے علاقہ کی خواتین کا جینا محال کردیا- راہ چلتے خواتین پر فقرے کس کر ٹک ٹاک بنائی جاتی ہے منع کرنے پر تشدد کا نشانہ بنایا- تفصیلات کے مطابق چنیوٹ کے ٹک ٹاکر محمد عثمان عرف مانی نے علاقہ کی خواتین کا جینا محال کردیا- مندر روڈ پر موجود گلیوں میں خواتین پر فقرے کس کر ٹک ٹاک بناتا ہے- کبھی دروازے بجاتا ہے تو کبھی وہی بیٹھ جاتا ہے- چھتیں پھلانگنا اور گدھا ریڑھی لیکر گلی میں آنا- آتی جاتی خواتین کو چھیڑ خوانی کرنا اس کا معمول ہے- علاقہ کے رہائشیوں اور خواتین کا کہناہے کہ اسے روکا جاتاہے تو وہ اوباش نوجوانوں کے ساتھ گھروں میں داخل ہوکر تشدد کا نشانہ بناتا ہے- مضروب سہیل احمد کا کہنا ہے اس نے پسند کی شادی کررکھی ہے اس کی بیوی کو آئے روز چھیڑ خوانی کرتا ہے پولیس کو درخواست بھی دی لیکن شنوائی نہیں ہوئی ہے-