چنیوٹ (ویب ڈیسک) ضلع بھر میں کرونا قابو سے باہر ہوگیا. دومزید سرکاری سکولوں کے اساتذہ اور طلبہ میں کرونا کی تصدیق. محکمہ ہیلتھ کی رپورٹ کے مطابق گورنمنٹ ہائی سکول ٹاہلی منگنی اور پرائمری سکول پمپ احمد کیمبوکو سیل کردیا گیا ہے. ہائی سکول ٹاہلی منگنی کے کلاس نہم کے دو طلبہ سمیت چار کا کرونا ٹیسٹ مثبت آیاہے. جبکہ پرائمری سکول احمد کیمبوکا کے ٹیچر سمیت تین افراد میں کرونا کی تصدیق ہوئی. محکمہ ایجوکیشن کے سی ای او ظفر ریحان نے تصدیق کرتے ہوئے بتایا کہ دونوں اداروں کو 8 روز کے لئے سیل کردیاگیا ہے. اس سے قبل چناب کالج، گرلز ہائی سکول 125، ہائی سکول ٹھٹھی بالا راجہ، گرلز سکول کوٹ قاضی سمیت مختلف اداروں میں بھی کرونا کے مریض سامنے آ چکے ہیں.