چناب نگر(ربوہ ٹائمز) کورونا وائرس کے باعث چناب نگر میں عید کا پہلا دن لوگوں نے گھروں میں منایا۔کورونا وائرس میں روز با روز اضافہ ہوتا جارہا ہے گزشتہ روز بھی 6 افراد میں کورونا وائرس کی تصدیق ہوئی ہے جبکہ لوکل انتظامیہ کی طرف سے شہر بھر میں تین دن کیلئے لاک ڈاون کردیا گیا ہے جس کی وجہ سے جمعرات جمعہ اور ہفتہ تین دن خواتین ،بچوں اور بوڑھوں کو گھروں سے نکلنے کی اجازت نہیں ہے۔لوگوں نے ذمہ دار شہری ہونے کا ثبوت دیتے ہوئے اپنے عزیز و اقارب کوعید کی مبارکباد بھی ٹیلیفون کے ذریعے دی ۔شہر بھر میں تمام دوکانیں بند رہیں عید کا پہلا دن لوگوں نے گھروں میں ہی گزارا۔لوکل انتظامیہ نے لوگوں سے تعاون کی اپیل کی ہے تاکہ وائرس میں کمی لائی جاسکے۔