چنیوٹ (ربوہ ٹائمز) پاکستان عوامی تحریک کے کارکنوں کی جانب سے احتجاج ریلی نکالی گئی ریلی قائد اعظم پارک سے شروع ہوکر پریس کلب کے سامنے اختتام پذیر ہوئی ریلی کے شرکاء نے ہاتھوں میں پاکستان عوامی تحریک کے پرچم اور ماڈل ٹاؤن کے حوالہ سے بینرز اٹھا رکھے تھے ریلی میں صدر سنڑل پنجاب پاکستان عوامی تحریک بشارت جسپال نے شرکت کی ۔خواتین سمیت ریلی میں پاکستان عوامی تحریک کے کارکنوں سمیت مختلف مکتبہ فکر کے سینکڑوں افراد نے شرکت کی ۔ریلی سے خطاب کرتے ہوئے مقررین نے کہا کہ ماڈل ٹاؤن کے مظلوم شہداء کو سات سال بعد بھی انصاف نہ ملنا مقتدر حلقوں کے لئے لمحہ فکریہ ہے ہم آج بھی اپنے شہداء کے لئے انصاف مانگنے باہر نکلے ہیں چودہ شہداء اور سو سے زائد زخمی پاکستانی آج بھی اپنے ملک کے اداروں سے انصاف کے منتظر ہیں عمران خان کو انکا وعدہ یاد دلاتے ہیں کہ آپ نے ماڈل ٹاؤن کے شہداء کے خون سے انصاف کا وعدہ کیا تھا آج عمران خان صاحب آپکی حکومت ہے آج ماڈل ٹاؤن کے شہداء اور انکے لواحقین آپکی حکومت سے اپنا حق مانگ رہے ہیں۔