چناب نگر(ربوہ ٹائمز) محکمہ موسمیات نے اتوار سے بارشوں کا نیا سلسلہ شروع ہونے کی نوید سنادی ہے۔
محکمہ موسمیات کے مطابق چناب نگر اور گردونوح میں اتوار سے بارشوں کا نیا سلسلہ شروع ہونے کی توقع ہے جس کے بعد شہریوں کو شدید گرمی سے نجات ملنے کی توقع ہے ۔ محکمہ موسمیات کے مطابق بارشوں اور تیز ہواوں کے نئے سلسلے کے دوران گرمی کا زور ٹوٹ جائے گا تاہم ان بارشوں سے دریائے چناب کے پانی میں بھی اضافہ ہوگا۔نشیبی علاقوں میں سیلابی صورتحال پیدا ہونے کا امکان بھی ہے ۔
یادرہے کہ چناب نگراور گردونواح کے علاقے گزشتہ تین ہفتوں سے شدید گرمی کی لپیٹ میں ہیں۔درجہ حرارت 43 ڈگری تک پہنچ چکا ہے۔