مولوی خادم حسین رضوی گرفتار،حفاظتی تحویل میں لے کر مہمان خانے منتقل کیا گیا ہے، فواد چوہدری

اسلام آباد (ربوہ ٹائمز نیوز ڈیسک) مولوی خادم حسین رضوی گرفتار،حفاظتی تحویل میں لے کر مہمان خانے منتقل کیا گیا ہے، فواد چوہدری.

نجی ٹی وی چینل کے مطابق:

وفاقی وزیر اطلاعات فواد چوہدری نے کہا ہے کہ:

مولوی خادم حسین رضوی کو حفاظتی تحویل میں لے کر مہمان خانے منتقل کیا گیا ہے، یہ کارروائی 25نومبر کی احتجاجی کال واپس نہ لینے پر کی گئی ہے.

تحریک لبیک پاکستان (ٹی ایل پی) کے سربراہ علامہ خادم حسین رضوی کو پولیس نے حفاظتی تحویل میں لے کر مہمان خانے منتقل کردیا ہے، تحریک لبیک نے25نومبر کو اسلام آباد میں جلسے کا اعلان کر رکھا تھا جس کی کال خادم رضوی نے دی تھی۔

اس حوالے سے وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر اپنے پیغام میں خبر کی تصدیق کرتے ہوئے کہا کہ:

عوام کے جان ومال اور املاک کی حفاظت حکومت کا اولین فرض ہے، تحریک لبیک عوام کےجان ومال کیلئے خطرہ بن گئی ہے اور مذہب کی آڑ لے کر سیاست کررہی ہے.

انہوں نے کہا کہ:

مولوی خادم رضوی کو حفاظتی تحویل میں لے کر مہمان خانے منتقل کیا گیا ہے، یہ کارروائی 25نومبر کی احتجاجی کال واپس نہ لینے پر کی گئی ہے.

فوادچوہدری نے مزید کہا کہ:

موجودہ کارروائی کا آسیہ بی بی کیس سے کوئی تعلق نہیں، صورت حال مکمل کنٹرول میں ہے، عوام پر امن رہیں اورحکام سے تعاون کریں.