چنیوٹ شہر کے چاروں روڈز کی از سر نو تعمیر چنیوٹ عوام کی اولین ترجیح ہے

( ویب ڈیسک) چنیوٹ شہر کے چاروں روڈز کی از سر نو تعمیر چنیوٹ عوام کی اولین ترجیح ہے گزشتہ دور حکومت میں بھی میں نے ان خونی روڈز کی تعمیر کے لئے ہر پلیٹ فارم پر آواز اٹھائی ہے اور اس حکومت کو بھی متعدد دفع باور کروا چکا ہوں کہ چنیوٹ کی عوام ان خونی روڈز پر اپنے پیاروں کے جنازے اٹھا اٹھا کر تنگ آ چکی ہے حکومت وقت کو چاہیے کے چنیوٹ کی چاروں مین شاہراہوں جن میں چنیوٹ تا فیصل آباد روڈ، چنیوٹ تا لاہور روڈ، چنیوٹ تا سرگودھا روڈ اور چنیوٹ تا جھنگ روڈ شامل ہیں کی فل فور تعمیر نو کروائی جائے ان خیالات کااظہار پاکستان مسلم لیگ ن کے ایم پی اے الیاس چنیوٹی نے آل پارٹیز کانفرنس سے خطاب کرتے ہوئے کیا اس موقع صدر الیکٹرونک میڈیا رپورٹر ایسوسی ایشن امیر عمر چمن، ضلعی صدر انجمن تاجران کریانہ ایسوسی ایشن ملک عرفان طفیل، صدر ڈسٹرکٹ بار ایسوسی ایشن شیخ عرفان الحق پوری ایڈووکیٹ، ضلعی صدر پاکستان پیپلز پارٹی علی رضا زیدی، ضلعی صدر کسان بورڈ ذوالفقار شاہ، چئیرمین نور الحسن شاہ، امیر جماعت اسلامی چوہدری اسلام، سمیت تاجر، وکلاء، صحافی برادری سمیت سیاسی و سماجی حلقوں نے کثیر تعداد میں شرکت کی تاہم اس موقع پر شرکاء نے حکومت سے مطالبہ کیا کہ چنیوٹ کی چاروں مین شاہراہوں کو فوری طور پر ون وے کیا جائے تاکہ چنیوٹ کی عوام مزید جانی نقصان سے بچ سکے-