عاطف میاں کو اقتصادی کونسل سے الگ کرنے پر عمران‌ خان کی سابق اہلیہ جمائمہ خان کا بیان بھی سامنے آگیا

لندن( ربوہ ٹائمز )وزیر اعظم عمران خان کی جانب سے عاطف میاں کو اقتصادی کونسل سے الگ کرنے کے فیصلے کے بعد ان کی سابق اہلیہ جمائما گولڈ سمتھ کا بیان سامنے آیا ہے.

جمائما گولڈ سمتھ نے سماجی رابطوں کی ویب سائیٹ”ٹوئیٹر“پرعاطف میاں کااقتصادی مشاورتی کمیٹی سے نام واپس لینے کے حکومتی فیصلے پرپیغام جاری کرتے ہوئے کہا کہ:

یہ فیصلہ ناقابل دفاع اور مایوس کن ہے،نئی حکومت پاکستان نے معروف ماہراقتصادیات کانام ان کے مذہبی عقیدے کی وجہ سے واپس لیا،بانی پاکستان قائداعظم محمدعلی جناح نے ایک احمدی کو وزیر خارجہ مقررکیاتھا۔

واضح رہے کہ آج پی ٹی آئی رہنما سینیٹر فیصل جاوید نے ٹویٹ کرتے ہوئے کہا کہ عاطف میاں سے استعفیٰ کا کہا جس کے حوالے سے انہوں نے رضا مندی کا اظہا رکردیا ہے جلد نئے اقتصادی مشیر کا اعلان کر دیا جائے گا۔