چنیوٹ (ربوہ ٹائمز نیوز ڈیسک) پولیس نے مبینہ زیادتی کی خاطر طالب علم کو اغواء کی کوشش کرنیوالے جعلی ڈی پی او کو اس کے ساتھیوں سمیت گرفتار کرلیا.
ملزم اور اس کے ساتھیوں پر طالب علموں کو اغواء کے بعد زیادتی کا نشانہ بنانے کا الزام ہے .
تفصیلات کے مطابق:
ذرائع نے بتایا کہ:
تھانہ سٹی پولیس نے گورنمنٹ اسلامیہ ہائی سکول کے ٹیچر کی درخواست پر حسنین عرف ڈی پی او ،آکاش عرف ڈاؤن، غلام عباس عرف کدو ، ندیم عرف باوا سمیت پانچ ملزمان کو گرفتار کرلیا.
ذرائع نے مزید بتایا ہے کہ:
یہ سکول سے نکلنے والے طالب علموں کو اغواء کے بعد زیادتی کا نشانہ بناتے تھے اور اپنے ناموں سے بچوں کو ڈراتے بھی تھے سکول ٹیچر کی درخواست پر ہونیوالے مقدمہ میں موقف اختیار کیا گیا ہے کہ ملزمان سکول طالب علم کو اغواء کرنے کی غرض سے زبردستی لے جارہے تھے جس پر سکول ٹیچر نے بچے کے شور پر اسے بچانے کی کوشش کی تو ملزمان کے مزید ساتھی بھی آگئے تاہم سکول سیکورٹی گارڈ اور دیگر طالب علموں نے ملزمان کو پکڑ کر پولیس کے حوالے کردیا.
اس معاملے پر ڈی پی او عبادت نثار کا کہنا ہے کہ:
ملزمان کو سکول ہیڈماسٹر کی طرف سے ملنے والی درخواست پر گرفتار کرکے مقدمہ درج کرلیا ہے اور ملزمان کے خلاف قانون کے مطابق کاروائی عمل میں لائی جائے گی.