چنیوٹ (ربوہ ٹائمز) کالج انتظامیہ کی نااہلی کہا جائے یا بے بسی ضلعی انتظامیہ کے زیر اہتمام چلنے والے کالج میں فن فیئر میلہ میدان جنگ بن گیا، طلبہ میں تصادم کے باعث دو طلبہ زخمی ہو گئے جبکہ کالج انتظامیہ کا موقف دینے سے انکار تفصیلات کے مطابق ضلعی انتظامیہ کے زیر اہتمام چلنے والے کالج کی جانب سے فن فیئر کا انعقاد کیا گیا جہاں ایک طرف غیر متعلقہ افراد فن فیئر میں آئے طلبہ و طالبات کو مبینہ ہراساں کرتے رہے وہیں دوسری جانب فن فیئر اکھاڑے میں بدل گیا لڑکوں میں تصادم اور سر عام گالی گلوچ بھی معمول بنا رہا، طلباء ایک دوسرے کو سر عام زمین پر پٹختے رہے جس کے باعث فن فیئر میں آئے طلبہ و طالبات کو شدید مشکلات کا سامنا کرنا پڑا تاہم کالج انتظامیہ نے غیر متعلقہ افراد کو کنٹرول کرنے کی بجائے مبینہ خاموشی اختیار کر لی جس پر والدین نے شدید تشویش کا اظہار کیا ہے بچوں کے والدین کا کہنا تھا کہ کوئی بھی ٹکٹ فیس بھر کر اندر آ سکتا ہے تو فن فیئر کی بجائے میلہ لگا لیں فن فیئر کے نام پر اگر بزنس کرنا ہے تو تعلیم کے نام پر لوگوں کو بے وقوف نا بنایا جائے.
