چنیوٹ(ربوہ ٹائمز)چنیوٹ کے علاقے نور پور احمد نگر میں ظلم کی انتہا ہو گی بہن کے گھر جانا جرم بن گیا شوہر شوکت نے ڈنڈوں کے وار کر کے دو جگہ سے سر پھاڑ دیا اور تشدد کرتے ہوئے بازو بھی توڑ ڈالا.
تفصیلات کے مطابق:
چنیوٹ کے علاقے نور پور احمد نگر میں بیوی کا بہن کے گھر جانا جرم بن گیا فوزیہ بی بی بہن کے گھر ملنے گی تھی کہ واپس گھر آنے پر شوہر شوکت علی کا جن بے قابو ہو گیا اور بہن کے گھر جانے پر ڈنڈوں ، مکھوں ، تھپڑوں سے تشدد کرتے ہوئے دو جگہ سے سر پھاڑ دیا اور ڈنڈے کے وار سے بازو توڑ ڈالا اور گھر سے اٹھا کر باہر گندگی کے ڈھیر پر پھینک دیا اہل علاقے نے ریسکیو اور لواحقین کو اطلاع دی اور بروقت کارروائی کرتے ہوئے ٹی ایچ کیو ہسپتال لالیاں منتقل کیا گیا جہاں پر متاثرہ خاتون کا علاج جاری ہے متاثرہ خاتون اور لواحقین نے ملزم کے خلاف مقدمہ درج کر کے کارروائی کا مطالبہ کیا ہے.
جبکہ تشدد کی خبر میڈیا پر آنے کے بعد چنیوٹ پولیس فوری حرکت میں آگئی.ملزم کیخلاف مقدمہ درج کرکے گرفتاری کیلئے چھاپے مارنے شروع کردیئے.
