چنیوٹ (ربوہ ٹائمز) ڈپٹی کمشنر محمد ریاض کا کہنا ہے کہ چک 236 مہروکا کی 14 سالہ ثناء بی بی جو کہ فیصل آباد کسی گھر میں کام کی غرض سے گئی تھی اسکے کرونا وائرس کے ٹیسٹ مثبت آنے پر اسے فیصل آباد میں ہی غلام محمد آباد جنرل ہسپتال میں منتقل کر دیا گیا ہے جہاں اسکا علاج جاری ہے . ثناء بی بی فیصل آباد میں اپنے اہل خانہ سے ملتی رہی جس پر گزشتہ روز محکمہ صحت نے اسکے اہل خانہ کے 15 افراد جن میں بچے . خواتین اور مرد شامل ہیں کو بغرض ٹیسٹ کورونا وائرس / احتیاطی تدابیر فاسٹ یونیورسٹی قرنطینہ سنٹر میں علاقہ تھانہ صدر میں منتقل کر دیا گیا ہے جہاں انہیں انکی دیکھ بھال کیلئے روزانہ 3 شفٹوں میں ڈاکٹرز . پیرا میڈیکل سٹاف . ایڈمنسٹریٹیو ڈاکٹر . سی او ہیلتھ ڈاکٹر مشتاق بشیر عاکف. ڈی ایچ او شہزاد خلیل . ڈی ڈی او ہیلتھ ڈاکٹر امیر علی و دیگر عملہ ڈیٹی کر رہا ہے جسکی باقاعدہ نگرانی اے ڈی سی آر طارق خان نیازی اور اسسٹنٹ کمشنر چنیوٹ عائشہ یاسین کر رہی ہیں . اس موقع پر پولیس و دیگر اداروں کی جانب سے سیکیورٹی کے انتہائی سخت انتظامات کیے گئے ہیں جبکہ قرنطینہ سنٹر اور اس کے ارد گرد کلورین اور ڈینگی سے بچاؤ کیلئے روزانہ کی بنیاد پر سپرے بھی کیا جا رہا ہے . قرنطینہ سنٹر میں رکھے گئے 15 افراد کو تمام تر سہولیات فراہم کی جا رہی ہیں . انہیں ضلعی انظامیہ کی.جانب سے 3 ٹائم معیاری کھانا . صاف ستھرے بیڈ . نئے کمبل بیڈ شیٹ و دیگر ضروری اشیاء فراہم کی جا رہی ہیں . سی او ہیلتھ ڈاکٹر مشتاق بشیر عاکف کا کہنا ہے کہ ان افراد ٹیسٹ کروانے کیلئے سیمپل لیکر بھجوا دیے گئے ہیں
