اسلام آباد(ربوہ ٹائمز آن لائن)سر زمین پاکستان کی خاطرجان کا نظرانہ پیش کرنے والے احمدی سپوت و غازیان کے اشتہار پر وقت نیوز نے معافی مانگ لی اور کہا کہ وہ اگلے روز کے ایڈیشن میں معافی نامہ بھی شائع کریں گے .تفصیلات کے مطابق 6 ستمبر کو یوم شہدائے پاکستان منایا جاتا ہے جس میں پاک فوج کے ان جوانوں کو خراج عقیدت پیش کیا جاتا ہے جنہوں نے پاکستان کیلئے اپنی جانیں قربان کردیں.انہی جوانوں میں جماعت احمدیہ سے تعلق رکھنے والے احمدی سپوت و غازیان بھی شامل ہیں .جن کو جماعت احمدیہ کے افراد نے خراج عقیدت پیش کرنے کیلئے ہر طبقے کی طرح اخبارات میں اشتہارات شائع کیئے تھے .جس کو پاکستان کی قومی اخبار روزنامہ نوائے وقت نے اپنے 6 ستمبر 2018 کے ایڈیشن میں شائع کیا ہے .
لیکن مذہبی وجوہات کی بنا پر اس اشتہار کو شائع کرنے پر وقت نیوز نے اپنے آفیشن ٹویٹر اکاونٹ پر اپنے قارئین سے معافی مانگ لی ہے.
07 ستمبر 2018 کے روزنامہ میں صفحہ اول پر اعتزار کا اشتہار شائع کیا جارہا ہے۔ pic.twitter.com/UDlhgWiNj0
— Daily Nawa-i-Waqt (@Nawaiwaqt_) September 6, 2018