چناب نگر ( غدیر احمد بھٹی سے) محلہ باب الابواب میں مسیحی برادری کا اہم اجلاس ھوا جس میں مسیحی برادری اور معززین علاقہ نے شرکت کی معززین علاقہ میں زبیر احمد چیمہ، ڈاکٹر فہیم احمد چیف ایگزیکٹیو چناب پریس کلب ،شاہد اقبال بھٹہ صدر پریس کلب، اظہر احمد اٹھوال اور اکمل احمد اٹھوال نے شرکت کی۔
تفصیلات کے مطابق
چناب نگر میں موجود کرسچن کمیونٹی کے دونوں محلوں کے افراد نے مل کر نٸے صدر کا انتخاب کیا جس پر مسیحی برادری نے متفقہ طور پر رضامندی ظاہر کی۔
تمام مسیحی برادری نے متفقہ فیصلہ میں طارق مسیح ولد پیارہ مسیح کو صدر اور صابر مسیح کو ناٸب صدر منتخب کیا۔
جبکہ کچھ دن قبل صدر منتخب ھونے والے نوید مسیح نے بھی طارق مسیح کے حق میں متفق ھونے کا اعلان کیا اور نٸے صدر کو مبارک باد پیش کی جس کے بعد سابقہ صدر بوٹا مسیح نے نٸے صدر کو ہار پہنا کر مبارک باد دی اور اپنے تمام طر اختیارات نٸے صدر کے سپرد کر دئے۔
اس سلسلہ میں چناب نگر میں موجود تمام مسیحی برادری نے نئے صدر کے منتخب ھونے پر خوشی کا اظہار کیا ۔