لاہور (ویب ڈیسک )سابق وزیراعظم نوازشریف کی صاحبزداری مریم نواز نیب میں پیشی کیلئے گھر سے نکل پڑیں ہیں تاہم اس موقع پر ان کے گھر کارکنوں اور رہنماﺅں کی بڑی تعداد موجود تھی ۔تفصیلات کے مطابق مریم نوازشریف نے نیب پیشی کیلئے روانگی سے قبل اپنی والدہ کی قبر پر حاضری دی اور فاتح خوانی کی جس کے بعد وہ باہر آئیں تو گھر کے باہر کارکنان اور رہنماﺅں کی بڑی تعداد موجود تھی، کارکنان نے مریم نواز کو دیکھ کر نعرے بازی بھی ۔مریم نواز نے کارکنان سے مختصر خطاب بھی کیا جس میں ان کا کہناتھا کہ میں ڈرنے والی نہیں ہوں ، حکومت جتنے مرضی ہتھکنڈے آزما لے میں اور والد اپنے موقف پر قائم ہیں ،میرے خلاف جعلی اراضی کیس بنا دیا گیاہے ۔پارٹی ذرائع کے مطابق مریم نواز کی نیب کے سامنے پیشی کا فیصلہ وکلا، خاندان اور پارٹی رہنماؤں سے مشاورت کے بعد کیا گیا اور یہ بھی فیصلہ کیا گیا کہ مریم نواز ایک بڑے قافلے کی صورت میں جاتی امرا رائیونڈ سے نیب آفس ٹھوکر نیاز بیگ پہنچیں گی۔
