اسلام آباد(ویب ڈیسک )عمران خان نے سوشل میڈیا پر جاری اپنے بیان میں کہا کہ میں نے وزارت داخلہ کو جسمانی اذیت کے خلاف مسودہ قانون کو قومی اسمبلی میں پیش کرنے کا عمل تیز بنانے کی ہدایات دی ہیں۔انہوں نے اپنے ٹوئٹ میں مزید کہا کہ کسی بھی مہذب جمہوری معاشرے میں جسمانی اذیت کی قطعاً کوئی گنجائش نہیں ہے۔وزیراعظم عمران خان کا کہنا ہے کہ جسمانی اذیت اسلام کی روح سے متصادم، آئینِ پاکستان اور ان عالمی قانونی معاہدوں کے بھی خلاف ہے جس کا ہم حصہ ہیں۔
