چنیوٹ (ربوہ ٹائمز) چناب نگر میں ٹائیفائیڈ ویکسین مہم کا آغاز کر دیا گیا ٹائیفائیڈ مہم 26 جون 2021 تک جاری رہے گی، جس میں 9 ماہ تا 15 سال تک کے تمام بچوں کو ٹائیفائیڈ سے بچاو کے ٹیکے لگائے جائیں گے۔ پولیو کی طرح یہ مہم گھر گھر نہیں ہوگی تمام بچوں کو مخصوص کٹ سٹیشن پر ٹائیفائید سے بچاو کے ٹیکے لگائے جائیں گے۔ ٹائیفائیڈ ویکسین مفید ہے اور اس کی ایک خوراک بچے کو ٹائیفائیڈ سے محفوظ بناتی ہے۔ ڈی سی چنیوٹ نے شہریوں کے نام اپنے پیغام میں کہا کہ وہ اپنے بچوں کی صحت کا خیال رکھیں اور ان کو لازمی ویکسینیٹ کروائیں۔
